Datajegeren fekk ei henvending om sykkelparkering i Oslo.
Etter litt leiting, fann vi eit datasett i Oslo kommune sin API- og datakatalog:

Kva anna fann vi om sykkelparkering undervegs?
Både vi og innmeldar fann nokre andre data om sykkelparkeringar undervegs:

1. Tromsø kommune har publisert eit datasett om sykkelparkering, men lenkene fungerer ikkje lenger.

2. Bærum kommune har eit skjema på nett der ein kan registrere sykkelparkering i kommunen eller melde om behov for sykkelparkering. Fann ingen stad der det som er registrert er tilgjengeleg, eller tydeleg informasjon om kva innsendt informasjon blir brukt til.

3. Statens vegvesen har sykkelparkering i Nasjonal vegdatabank (NVDB) (vegdata.no), men «kun» cirka 1350 i heile Norge (i motsetnad til over 4000 i Oslo kommune sitt datasett). Gå til vegkart.atlas.vegvesen.no og søk på «sykkelparkering» for å sjå i kart kva som er i vegvesenet sin database. Sjå også beskrivelse av objekttypen Sykkelparkering.
   Oppføringer i data.norge: NVDB, Mobilitetstenester i NVDB

4. Bane NOR ser etter nye løysingar for trygg sykkelparkering på togstasjonar. Litt på sida av innmeldt behov, men viser at det er ein del som skjer rundt sykkelparkering.

Oppfølgingspunkt

A) Oppdaterte data frå Oslo kommune
Vi har spurt Oslo kommune om dei har oppdaterte data, då datasettet nemner at oversikta er basert på kartleggingar og siste kartlegging var i 2020.

B) Gjere Oslo kommune sitt datasett lettare å finne
Datasettet frå Oslo kommune er ikkje mogeleg å finne via data.norge.no. Det er relativt enkelt for Oslo kommune å eksportere sin datakatalog til data.norge.no slik at deira datasett/API også er mogeleg å finne derifrå.

C) Nasjonal database over sykkelparkeringar / dataformat
Tilfeldigvis var vi også i kontakt med ein aktør som tok opp spørsmålet om ein nasjonal database med oversikt over sykkelparkering og standardisert dataformat for dette. Vi skal oppmode til å starte ein eigen diskusjonstråd i Datalandsbyen om dette.

Datajegeren fekk henvending der ein ønskjer oversikt over politistasjoner inkludert posisjon, til bruk i utredningsarbeid.

Kva data finst?
Politiet har i skrivande stund ikkje sjølve publisert eit slikt datasett.
Geonorge har gjort tilgjengeleg politisoner og -distrikter (sjå data.norge.no eller geonorge.no), men dette er ikkje dei enkelte politistasjonane.

Datakjelder: Enhetsregisteret og politiet.no
I Enhetsregisteret finn ein enheter og underenheter for offentleg sektor.
Det ser ut til at politistasjoner og lensmannskontor er pent hierarkisk registrert der:

• Justisdepartementet
  • Politi- og lensmannsetaten (915429785) – ORGL (organisasjonsledd)
  • ...
    • Trøndelag politidistrikt (983998631) — ORGL
    • ...
      • Steinkjer politistasjon (874753262) — BEDR (underenhet)

Ein mogeleg måte å hente ut alle relevante enheter er å ta heile enhetsregister-datasettet, filtrere på næringskode 84.240 «Politi- og påtalemyndighet» og deretter på organisasjonsform-kode BEDR for å få dei enkelte geografiske lokasjonane (politistasjoner).
Merk at det er i datasettet underenheter ein finn organisasjoner av typen BEDR.
I enhetsregisteret er det Beliggenhetsadresse som gir gateadressa. For å få kartkoordinatar kan ein slå opp i Kartverket sitt API.

Vi har ikkje undersøkt om denne oppskrifta gir korrekt resultat — for eksempel at det er oppdatert og komplett.
Før vi kom så langt i saka, løyste innmeldar dette ved å hente oversikt over politistasjonar frå politiet sine nettsider. Innmeldar nemde at datakvaliteten der var varierande, mellom anna med feil i postnummer.

Håpar dette er til nytte for andre!
Oppslag i Enhetsregisteret kan i mange tilfeller vere vegen å i andre tilfeller der ein treng å få oversikt over kvar offentleg sektor har kontor.

For to veker sidan lanserte vi Datajegeren. Det er ei teneste der du kan få hjelp til å finne og få tak i data frå offentleg sektor.

Vi har allereie svart ut den aller første henvendinga med ein post her i Datalandsbyen.

Les meir:

• Nyhende-sak 5/9
• Datajegeren
• Postar i sosiale medier i forbindelse med lansering: Facebook,, LinkedIn

Vi fekk nyleg ei henvending til Datajegeren der innmeldar ønskjer koordinater for offentlege toalett og drikkefontener i Oslo for å lage ein app som viser vei.

Dette er ein forløpig post, og vi skal følgje opp saka vidare.

Har du noko å tilføye, eller ønskjer det samme datasettet sjølv, kan du kommentere under, gje ei opp-stemme eller velje å abonnere på varslar om nye kommentarar i denne diskusjonstråden.